[ஒரு அலசல்- தமிழிலும் ஆங்கிலத்திலும் ]
சுமேரிய மொழிக்கும், தமிழ் மொழிக்கும் பல தொடர்களை சுட்டிக்காட்டி, மற்றும் பல பண்பாட்டு தொடர்புகளையும் எடுத்துக் கூறி, சுமேரிய நாகரிகம் பண்டைய தமிழர்களின் நாகரிகம் என இன்று பல கீழத்தேச அறிஞர்கள் கூறும் நிலையில், நாம் அவர்களின் சமய நம்பிக்கையை மேலும் இங்கு எடுத்து கூறுவது பொருத்தமாக இருக்கும் என்று நம்புகிறோம்.
உலகின் பல நாகரிகங்களில் படைப்பு பற்றிய புராணங்கள் மிகவும் பிரபலமானவை. கி மு 3000 ஆண்டு தொடக்கம் கி மு 1000 ஆண்டு வரைக்கான எஞ்சியிருக்கும் ஆதாரங்கள் மூலம், மெசொப்பொத்தேமியாவில், பல தெய்வங்கள் இயற்கையுடன் தொடர்பு படுத்தப்பட்டு இருந்த போதிலும், அங்கு எந்த தொன்மமும் [அல்லது பழங் கதையும்] மிக மிக ஆரம்ப படைப்பு பற்றிய தகவல்களை தரவில்லை என்பதை அறிய முடிகிறது. உலகம் தோன்ற முன்பே அங்கு கடவுள்கள் அல்லது கடவுள் ஒருவர் இருந்தார் என்ற ஒரு ஊகத்திலேயே படைப்பு புராணம் ஆரம்பிக்கிறது. துரதிஷ்டவசமாக, மிக சிறிய அளவிலான ஆவணங்களே அங்கு கிடைக்கப் பெற்றுள்ளன. பல முறிந்து போன அல்லது உடைந்த முத்திரைகள் பல தெய்வ வழிபாட்டிற்கு முற்பட்ட , பூமி தேவதை - "கி", வான் தேவதை - "அன்" மட்டும் இருந்த காலத்தில் இருந்து அல்லது கடல் தேவதை நம்முவில் இருந்து தகவல்களை தருகின்றன.
சுமேரியர்களின் மத நம்பிக்கைகள் மற்றும் படைத்தல் புராணங்கள் போன்றவை, பண்டைய சுமேரியர்களின் நகரமான நிப்புரின், இன்றைய ஈரானின் இடிபாடுகளுக் கிடையில் தோண்டி எடுக்கப் பட்ட முத்திரைகளில் காணப் படுகிறது. உலகின் மிக முற்பட்ட எழுத்து முறைகளுள் ஒன்றான ஆப்பெழுத்துகளை முதலில் சுமார் கி.மு. 3000 ஆண்டளவில் கண்டு பிடித்தவர்கள் இந்த சுமேரியர்களே ஆகும். மேலும், கி மு 3000 ஆண்டுக்கும் கி மு 2340 ஆண்டுகளுக்கும் இடையில் இவர்கள் தம் படைப்பு கதைகளை பதிவு செய்து உள்ளார்கள். இதற்கு அடுத்ததான பழமையான கதைகளான பாபிலோனியன் படைப்பு கதையும், "ரிக்" வேதத்தில் புருஷசூக்கத்தில் கூறப்படும் உலகப் படைப்பு கதையும், இசுரேல் மக்களின் வரலாற்றை மனித இனத்தின் தோற்றத்துடன் இணைத்துக் காட்டும் தொடக்க நூல் அல்லது ஆதியாகமம்மும் (Genesis) இதற்குப் பின் ஆயிரம் ஆண்டுகளுக்கு மேல் தாண்டித்தான் தோன்றின என்பது குறிப்பிடத் தக்கது.
சுமேரிய படைப்பு காவியத்தின் படி, ஒரு கால கட்டத்தில், பூமியில் எந்த ஒரு மனிதரும் வாழவில்லை. அங்கு தெய்வங்கள் மட்டுமே வாழ்ந்தார்கள். அது மட்டும் அல்ல, கால் நடைக் கடவுள் - லகார் [Lahar] , தானிய தேவதை - அஷ்ணன் [Ashnan] போன்றோர் பிறக்கும் முன்பு அங்கு கால் நடையோ அல்லது தானியங்களோ இருக்க வில்லை. இதனால், அப் பொழுது பூமியில் வாழ்ந்த ஏனைய கடவுள்கள் உண்ண பாண் இல்லாமலும் உடுக்க உடையில்லாமலும் வாழ நேரிட்டது. அதன் பின், கால் நடை, தானிய கடவுள்கள் அவதரித்தனர் என்றாலும் அவர்கள் மீண்டும் திருப்தி அடைய வில்லை. இப்ப அவர்கள் கூடுதலான வேலை செய்ய வேண்டி இருந்தது. அவர்கள் இப்ப நிலத்தை நன்கு உழுது, தோண்டி, மண்ணை விதை முளைப்பதற்கும், பயிர் விளைச்சலுக்கும் ஏற்றவாறு பக்குவப் படுத்தி தயார் செய்ய வேண்டி இருந்தது. அதே போல சுரங்கத்தில் இருந்து கனிமங்கள் எடுப்பதற்கும் கடும் வேலை செய்ய வேண்டி இருந்தது. இப்படி ஆரம்ப காலத்தில் ஆண் தெய்வங்கள் தமது வாழ்விற்காக தினமும் உழைக்க வேண்டி இருந்தது. அவர்கள் இதை ஒரு பெரும் சுமையாக தொடக்கத்தில் பொருட் படுத்தவில்லை. ஆனால் பெண் தெய்வங்கள் படைக்கப் பட்டதும், அவர்களை மகிழ்ச்சியாக வைக்கும் பொருட்டு மேலும் அவர்கள் மிக கடுமையாக உழைக்க வேண்டி இருந்தது. "வினையே ஆடவர்க்கு உயிரே; வாள் நுதல் மனை உறை மகளிர்க்கு ஆடவர் உயிர்'' என," குறுந்தொகை - 135 உரைப்பது போல, தன்னை சார்ந்திருக்கும் அவளுக்காகவும் சேர்ந்து அவன் மேலும் பொருளீட்டும் பொருட்டு - அதாவது, முன்பு தனக்கு மட்டும் உழைத்தவன், இப்ப சாப்பிடுவதற்கு போதுமான உணவு சேகரிப்பதற்கும், பாண் அல்லது ரொட்டி தயாரிப் பதற்கும் மற்றும் அணிவதற்கு போதுமான உடை செய்வதற்கும் அவர்கள் மிகவும் சிரமப்பட வேண்டி இருந்தது. இதனால் அவர்கள் மிகவும் ஆத்திரப் பட்டார்கள். பூமியில் இந்த ஆண் கடவுள்களின் வாழ்க்கை எளிதாக இருக்க வில்லை. அங்கு கண்டு எடுக்கப் பட்ட ஒரு முத்திரை இப்படி கூறுகிறது:
"மனிதனைப் போன்ற கடவுளர்கள்
வேலையில் மனச்சலிப்பு அடைந்து
உடல் வேதனை அடையும் போது,
அவர்களின் உழைப்பு கடுமை யாயிற்று,
வேலை கனமாயிற்று, துன்பம் அதிகரித்தது"
இதனால் கடவுள்கள் தமது நிலை குறித்து வருந்தினர். குறை தெரிவித்தனர், தம்மை வஞ்சித்து விட்டதாக கருதினர், தலைமை கடவுளுக்கு எதிராக கிளர்ச்சி செய்தனர். அவர்களுக்கு உடனடியாக ஒரு தீர்வு தேவைப் பட்டது. தம்மை, தம் ஒவ்வொரு தேவையையும் கவனிக்க, பூர்த்தி செய்ய தமக்கு வேலையாட்கள் - தம்மை கடும் உழைப்பில் இருந்து விடுவித்து அதை எந்த கேள்வியும் இன்றி தொடர்ந்து செய்ய ஒரு புதிய அடிமை இனம் - தேவை என இப்ப கடவுள்கள் கருதினர்.
கடவுளின் கடவுள் என கருதப்படும் "அனு" வும் இது சரியான முடிவு என ஏற்றுக் கொண்டார். ஆகவே கடவுளின் சபையை கூட்டினார். அங்கு இவர்களின் வேலைப் பளுவை குறைக்கும் பொருட்டும், தமது வாழ்வாதாரத்திற்கு இவர்கள் உழைப்பதில் இருந்து, முற்றாக விடுவிக்கும் பொருட்டும், ஒரு மனித இனத்தை படைப்பது என முடிவெடுத்தார்கள். எனவே அனு, தனது மகன் என்கிக்கு அந்த பொறுப்பை கொடுத்தார். எனவே என்கி, தனது தாய் நம்முவிடம் மனித வர்க்கத்தை வடிவமைப்பதற் கேற்றவாறு, பொருத்தமான மண் களியை செய்யும் படி அறிவுறுத்தினான். களி மண் ஒரு இயல்பான தேர்வு போல் தெரிகிறது. ஏனென்றால், இதை எமக்கு தேவையான எந்த சிக்கலான வடிவிலும் இலகுவாக வடிவமைக்கலாம் என்பதாலும் இது நீருடன் சேர்ந்த கலவை என்பதாலும் ஆகும். இதே போல, யூதம், கிறித்தவம், இசுலாம் ஆகிய எல்லா ஆபிரகாமிய சமயங்களிலும் மற்றும் கிரேக்க, சீன, எகிப்திய தொன்மவியலிலும் 'மனிதன் மண்ணில் இருந்து படைக்கப் பட்டான்' என கூறுகிறது. அது மட்டும் அல்ல, ஏன் மனிதனின் வடிவம் கடவுள் மாதிரியே உள்ளது என்பதற்கும் சுமேரியன் முத்திரை விடை கொடுக்கிறது, இந்த புதிய மனிதர்கள் கடவுளின் வேலைச் சுமையை இனி சுமக்கப் போகிறார்கள். ஆகவே அவர்கள் கடவுள் உருவம் மாதிரியே இருக்க வேண்டும். அப்பத்தான் அதே வேலைகளை அதே மாதிரி செய்ய முடியும். மேலும் களி மண்ணில் இருந்து மனிதனை உயிர் உள்ளவனாக வடிவமைக்க, சில பெண்மைக்குரிய - கருவுறல் அல்லது குழந்தைப் பேறு போன்ற அம்சங்களும் தேவைப் பட்டது. ஆகவே, என்கியும் அவரின் ஒன்று விட்ட உடன் பிறந்த சகோதரி [half-sister], நின்கியும் [Ninki] அல்லது நின்மாஹ்வும் [Ninmah] சேர்ந்து இந்த பொறுப்பை நிறைவேற்ற வேண்டி இருந்தது. நின்-ஹர்சக்கின் [Ninhursag] இன்னும் ஒரு பெயரே நின்கி எனவும், இவரை என்லில்லின் சகோதரியாக அடிக்கடி கூறப் பட்டாலும் இவர் என்லில்லின் மனைவியும் ஆவார். இதற்காக, 'இல்லுவே' என்ற ஒரு கடவுள் [god Illuwe] கொல்லப்பட்டு, அவரின் உடலும் இரத்தமும் ஆற்றின் கரையில் இருந்து எடுத்த கொஞ்ச களி மண்ணுடன் கலக்கப் பட்டது. பின் அதை தமது கையில் உருட்ட தொடங்கினார்கள். ஒரு தலை, ஒரு உடம்பு, கைகள், கால்கள் தோன்றி ஒரு வடிவம் வரும் வரை உருட்டினார்கள். பின்பு அதற்கு உயிர் கொடுத்தார்கள். அவ்வாறே மனிதர்கள், கடவுளின் உருவில், ஆற்றம் கரை களி மண்ணில் இருந்து கடவுளால் தோற்றுவிக்கப் பட்டார்கள் என சுமேரிய நூல் கூறுகிறது. இப்ப, கடவுளுக்கு தேவையான உணவு, உடை, இருப்பிடம் போன்றவற்றை கொடுப்பது மக்களின் வேலையானது. இதனால், கடவுள் நிரந்தரமாக உழைப்பதில் இருந்து விடுபட்டார். மனிதனின் இந்த தோற்றுவாய் கதை அல்லது கூற்று அடிமை தொடர்பானதாக உள்ளது. அன்று நிலவிய சுமேரிய பொருளாதாரத்தில், அரசனுக்கும் மதகுருக்கும் நன்மை பயக்க, அடிமைகளின் இடைவிடா உழைப்பு தேவைபட்டதை இது காட்டுகிறது எனலாம்.
[கந்தையா தில்லைவிநாயகலிங்கம், அத்தியடி, யாழ்ப்பாணம்]
பகுதி 17 தொடரும்
(இணைத்த படங்கள்:
வயலில் வேலை செய்யும் கடவுள்கள்,
சுமேரிய கடவுள்கள்,
தானிய தேவதை - அஷ்ணன் [Ashnan],
முதலாவது மனித படைப்பு)
An analysis of history of Tamil religion (PART:16)
[ In English and Tamil]
Stories describing creation are prominent in many cultures of
the world. In Mesopotamia, the surviving evidence from the third millennium to
the end of the first millennium B.C. indicates that although many of the gods
were associated with natural forces, no single myth addressed issues of initial
creation. It was simply assumed that the gods existed before the world was
formed. Unfortunately, very little survives
of Sumerian literature from the third millennium B.C. Several fragmentary
tablets contain references to a time before the pantheon of the gods, when only
the Earth (Sumerian: ki) and Heavens (Sumerian: an) existed.
Modern knowledge of Sumerian religious beliefs and creation
stories comes from the tablets excavated principally from the ruins of the
ancient Sumerian city of Nippur, located in present - day Iran. The Sumerians
likely were the inventors of the cuneiform system of writing, and they recorded
creation myth in the world sometime between 3000 and 2340 BC. The next oldest
known creation stories — the Babylonian
version, Rig veda version and, the Hebrew version captured in the book of
Genesis in the Bible did not appear for more than a millennium after the
Sumerian version.
According to the Sumerian creation myth, there once was a
time where there were no humans on earth at all. Instead, earth was inhabited
by the gods. Prior to the creation of Lahar, the cattle - god, and Ashnan, the grain - goddess,
cattle and grain did not exist; therefore, the other gods were not able to eat
bread or wear clothes. Even after the creation of the cattle and grain deities,
the gods still could not be satisfied, there was much work to be done and these
gods toiled the soil, digging to make it habitable and mining its minerals.
They had not minded this at first. But when the female gods were created, the
male gods had to work even harder to keep them happy. Then the gods had a great
deal of trouble making enough bread to eat and enough clothes to wear. They
become very angry at having to work so hard. Life on earth wasn't easy for
these gods as one tablet says:
"When the gods like men
Bore the work and suffered the toll
The toil of the gods was great,
The work was heavy, the distress was much."
The gods were not happy with their situation. They were prone
to complaining, backstabbing, and rebellion against their leaders. They needed
a solution, Gods should have servants who would take care of their every need -
a new race of slaves to take over their back breaking work.
Anu, the god of gods, also agreed that their labour was too
great. and the council of the gods, decided to create humankind to free the
gods from the need to work for their sustenance. His son Enki, or Ea, proposed
to create man to bear the labour, and so, he instructs Nammu, his mother who
represents the sea, to make clay suitable for fashioning humankind. Clay is
probably the natural choice since it is what a man could mould into a complex
form and it is a mixture of water and other things. All Abrahamic religions
[Judaism, Christianity and Islam], as well as Greek mythology, Chinese
mythology, Egyptian mythology & few others, Man is said to have been made
from of clay or dust of the ground or yellow earth that God fashioned into the
first man. The Sumerians also explained why the form of man was the same as
that of the gods. Men were supposed to relieve the gods of labour; so it makes
sense that they would have the form of gods in order to perform the same tasks.
Also, to shape a man from the mixed clay, some feminine assistance, some
pregnancy or childbearing aspects were also needed. So, Enki and his half - sister Ninki or Ninmah [another
name of Ninhursag, Often stated as Enlil's sister, but also as his wife.] would
work together to bring this idea to life – literally. A god was put to death, and his body and
blood was mixed with clay. From that material the first human being was
created, in likeness to the gods. Also, the above versions of the origin of man
are related to slavery, clearly reflecting the Sumerian economy in which slaves
laboured for the good of the priesthood and king.
-[Kandiah Thillaivinayagalingam,Athiady,
Jaffna]
Part 17 Will follow
Pictures attached:
Gods working in the field,
Sumerian Gods,
Ashnan, the grain - goddess,
creation of the first man
0 comments:
Post a Comment