கடந்த வாரம் வெளிவந்த திரைப்படங்கள் எப்படி?

''ஆதார்''விமர்சனம்  (Cinema Tamil Movie 'Aadhaar' Review)

 ராம்நாத் பழனிகுமார் இயக்கத்தில் கருணாஸ், அருண்பாண்டியன் , ரித்விகா,  இனியா, பிரபாகரன், ஆனந்தபாபு நடிக்கும்  இப்படத்திற்கு  ஸ்ரீகாந்த் தேவா இசையமைத்துள்ளார்.

மருத்துவமனையில் தனது மனைவியை பிரசவத்துக்காக சேர்க்கிறார் கருணாஸ். ஆனால் அங்கு மனைவிக்கு  உதவியாக இருந்த இனியா கொலை செய்யப்பட்ட நிலையில் தனது மனைவியை காணாமல்  பிறந்த பச்சிளம் குழந்தையை கையில் எடுத்துக் கொண்டு காவல்நிலையத்தில் புகார் கொடுக்கிறார். அதன்பிறகு தனது மனைவியை எப்படி கண்டுபிடித்தார் தன் வாழ்க்கை என்னவானது என்பதே படத்தின் மீதிக்கதை

பார்க்கலாம்,வலியுடன் ரசிக்கலாம்.[3/5]

 🎥🎥🎥🎥🎥

''ரெண்டகம்'' விமர்சனம்  (Cinema Tamil Movie Rendagam '' Review)

  ஃபெலினி இயக்கத்தில் அரவிந்த் சாமி, குஞ்சக்கோ போகன் மற்றும் ஈஷா ரெப முன்னணி கதாபாத்திரத்தில் நடித்திருக்க, தமிழ் மற்றும் மலையாளம் என இரு மொழியில் வெளியான  இப்படத்திற்கு காஸிப் இசையமைத்துள்ளார்.

மும்பையில் பெரிய தாதாவாக இருந்தவரின் வலது கரமாக செயல்பட்டவர் அரவிந்த்சாமி. தங்கக் கடத்தல் ஒன்று நடந்த போது நடைபெற்ற துப்பாக்கிச் சூட்டில் தனது நினைவுகளை இழந்தவர். பல கோடி ரூபாய் மதிப்புள்ள அந்தத் தங்கத்தைப் பற்றிய தகவல்களை அவரிடமிருந்து எப்படியாவது பெற வேண்டும் என ஒரு கும்பல் குஞ்சாக்கோ போபனை அனுப்புகிறது. அவரும் அரவிந்த்சாமியுடன் பழகி, அவரிடமிருந்து தகவலைப் பெற முயற்சிக்கிறார். ஆனால், நடப்பதோ வேறொன்று. அது என்ன ?, அதன் பின் என்ன நடக்கிறது என்பதுதான் படத்தின் மீதிக் கதை.

மொத்தத்தில் ரெண்டகம் அருமை.[3/5]

 🎥🎥🎥🎥🎥

''பபூன்'' விமர்சனம்  (Cinema Tamil Movie ''bafoon'' Review)

 அசோக் வீரப்பன் இயக்கத்தில் வைபவ் மற்றும் அனகா முன்னணி கதாபாத்திரத்தில் நடிக்கும் நகைச்சுவை திரைப்படம்.  சந்தோஷ் நாராயணன் இசையமைத்துள்ளார்.

தம்நாடகத்தை வைத்து பிழைப்பு நடத்த முடியாது என முடிவெடுத்த  குமரனும் அவரது நண்பனும்  வெளிநாட்டுக்கு  நாட்டுக்குச்  செல்வதற்கு பணம் தேடும் முயற்சியில்,கடத்தல் மன்னன் தனபாலனின்  லாரி டிரைவராக இணைகிறார்கள். அந்த லாரியை நிறுத்திய போலீஸ் அவர்கள் போதைப்பொருள் கடத்தியதா,  அவர்கள் இருவரையும் சிறைக்கு கொண்டு செல்லும் வழியில் தப்பித்து விடுகிறார்கள். பின்னர் அவர்களுக்கு என்ன நடந்தது என்பதே கதை.

பபூன் பலிக்கவில்லை [2.5/5]

🎥🎥🎥🎥🎥

''ட்ரிக்கர்'' விமர்சனம்  (Cinema Tamil Movie ''trigger'' Review)

 சாம் அன்டன் இயக்கத்தில் அதர்வா, தன்யா ரவிச்சந்திரன், அருண் பாண்டியன், சின்னிஜெயந்த், அறந்தாங்கி நிஷா நடித்திருக்கும் திரில்லர் திரைப்படம். ஜிப்ரான் இசையமைத்துள்ளார்.

வில்லன் மைக்கேல் சிறை கைதிகளையும், அடியாட்களையும் ஒன்றிணைத்து குழந்தைகளை கடத்துகிறான். எதிர்பாராத ஒரு சம்பவத்தில் ஹீரோ வில்லன் இருவருமே மோதிக் கொள்ள நேர்கிறது. இந்த பிரச்சனையின் பின்னணியில் ஹீரோ தந்தையின் கடந்த காலமும் சம்பந்தப்பட்டிருக்கிறது. இதை அதர்வா கண்டுபிடிக்கிறார். இறுதியில் குழந்தைகள் கடத்தப்படுவது எப்படி? எதற்காக கடத்தப்படுகிறார்கள்? ஹீரோவின் தந்தைக்கும் இந்த கும்பலுக்கும் என்ன சம்பந்தம்? கடத்தல் கும்பலை ஹீரோ ஒலித்தாரா? என்பதை படத்தின் மீதி கதை.

ஒரு நல்ல த்ரில்லர் படம்.

🎥🎥🎥🎥🎥

''ட்ராமா'' விமர்சனம்  (Cinema Tamil Movie ''drama'' Review)

அஜூ கிழுமல இயக்கத்தில் கிஷோர், சார்லி, ஜெய் பாலா என பலர் நடித்திருக்கும் கிரைம் திரில்லர் திரைப்படம்.

ஒரு பெண் காவலர், ஐந்து ஆண் காவலர்களை கொண்ட ஒரு காவல்நிலையத்தில் புதிதாக சப்-இன்ஸ்பெக்டராக பொறுப்பை ஏற்கிறார் ஜெய்பாலா. அதே ஸ்டேஷனில் ஏட்டாக பணிபுரிகிறார் சார்லி. ஒரு நாள் நடுஇரவில் மின்சாரம் துண்டிக்கப்பட்ட வேளையில்   அங்கு ஏட்டாக இருக்கும் சார்லி கொலைப்படுகிறார். இதனை விசாரிக்க போலீஸ் டி எஸ்  பியாக கிஷோர் வருகிறார். அந்த கொலையை செய்தவர் யார்? என்பது பற்றிய விசாரணையே "டிராமா".

அலட்சியத்துடன் எடுக்கப்பட்ட படம்![2/5]

தொகுப்பு:செ மனுவேந்தன்