திரையிலிருந்து துளிகள்

‘தளபதி 63’

மெர்சல் படத்தை தொடர்ந்து நடிகர் விஜய் அடுத்து மூன்றாவது முறையாக அட்லியுடன் இணைந்துள்ளார். இந்த படம் தற்போது ‘தளபதி 63’ என அழைக்கப்படுகிறது. 

ஏஜிஎஸ் என்டர்டெயின்மென்ட்ஸ் தயாரிக்கும் இப்படத்தில், கதாநாயகியாக நயன்தாரா நடிக்கிறார். விவேக், யோகிபாபு ஆகிய இருவரும் முக்கிய கதாபாத்திரங்களில் நடிக்கின்றனர். ஏ.ஆர்.ரஹ்மான் இசையமைக்கிறார். 

‘’மாநாடு’’

சிம்பு நடிக்கும் ‘’மாநாடு’’ படத்தில் அவருக்கு ஜோடியாக ராஷி கன்னா நடிக்க உள்ளதாக தகவல் வெளியாகியுள்ளது. சுந்தர் சி. இயக்கத்தில் ‘’வந்தா ராஜாவாதான் வருவேன்’’ படத்தில் நடித்து முடித்துள்ளார் சிம்பு. இந்த படம் சிம்புவின் பிறந்தநாள் ஸ்பெஷலாக அடுத்த மாதம் ரிலீஸாகும் என்று கூறப்படுகிறது. இந்த படத்தை அடுத்து அவர் வெங்கட் பிரபு இயக்கத்தில் மாநாடு படத்தில் நடிக்கிறார்.

கழுகு 2’

‘கழுகு 2’ படத்தில்  யாஷிகா ஆனந்த் நடனம் ஆடிய பாடலை படக்குழு வெளியிட்டுள்ளது. சில வருடங்களுக்கு முன் கிருஷ்ணா, பிந்து மாதவி நடித்து வெற்றி பெற்ற ‘கழுகு’ படத்தின் இரண்டாம் பாகம் ‘கழுகு-2’ என்ற பெயரில் தயாராகிறது. முதல் பாகத்தில் நடித்த கிருஷ்ணா - பிந்துமாதவி ஜோடியே மீண்டும் இப்படத்தில் நடித்துள்ளனர். இந்த ‘கழுகு’ படத்தை இயக்கிய சத்யசிவா இயக்கி இருக்கிறார். இந்த படத்தில் காளிவெங்கட் முக்கிய கதாபாத்திரத்தில் நடித்துள்ளார். யுவன் சங்கர் ராஜா இசையமைக்க, ராஜா பட்டாசார்ஜி ஒளிப்பதிவு செய்ய, கோபிகிருஷ்ணா படத்தொகுப்பை கவனிக்கிறார்.

கிருஷ்ணா

 இந்தப்படத்தை பிரபல விநியோகஸ்தரும் தயாரிப்பாளருமான சிங்காரவேலன் தயாரிக்கிறார். இந்த படத்தில் மேற்கு தொடர்ச்சி மலையில் மக்களுக்கு இடையூறு செய்யும் ஆபத்தான நாய்களை வேட்டையாடும் கதாபாத்திரத்தில் நடித்துள்ளார் கிருஷ்ணா.

பிக் பாஸ்

இருட்டு அறையில் முரட்டு குத்து படம் மூலம் ரசிகர்களிடம் பிரபலமான யாஷிகா ஆனந்த், பிக்பாஸ் சீசன்-2 நிகழ்ச்சி மூலம் தமிழகத்தில் உள்ள அனைத்து வீடுகளிலும் நன்கு அறிமுகமாகியுள்ளார். பிக் பாஸ் வீட்டிலிருந்து வெளியே வந்த பின்னர் அவருக்கு பட வாய்ப்புகள் குவிந்து வருகிறது.

🎥🎥🎥🎥🎥🎥🎥🎥🎥🎥🎥