தொகுத்தது:கந்தையா தில்லைவிநாயகலிங்கம்.Compiled by: Kandiah Thillaivinayagalingam]
பகுதி/Part-04"A":கிரகணம்
“வீதியில் உலவும் பரத்தையரை ஆடவர் புகழ்தல்”
"கரு முகில் சுமந்து, குறு முயல் ஒழித்து-ஆங்கு,
இரு கருங் கயலொடு இடைக் குமிழ் எழுதி,
அம் கண் வானத்து அரவுப் பகை அஞ்சி,
திங்களும் ஈண்டுத் திரிதலும் உண்டுகொல்!"
அழகிய இடமமைந்த வானவெளியிலே திரியின் தனக்குப் பகையாகிய இராகுவும் கேதுவுமாகிய பாம்புகள்.எளிதாகத் தன்னைக் கண்டுவந்து விழுங்கும் என்று அஞ்சி ஆங்குத் திரியாமல்;ஒரு பெரிய முகிலைத்[கூந்தலை] தன்னுச்சியிலே சுமந்து சிறிய முயலை[குறிய களங்கத்தை]யொழித்து அவ்விடத்தே இருமருங்கினும் இரண்டு கயல் மீனையும் [கண்ணையும்] அவற்றிடையே ஒரு குமிழ மலரையும்[மூக்கையும்] எழுதி இவ்வாறு தன்னைப் பிறர் அறியா வண்ணம் உள்வரிக் கோலம் கொண்டு;இந் நகரமறுகிலே திங்கள் [அந்த சந்திரனே]]தானும் வந்து திரிகின்றதோ என வர்ணிக்கிறது.
நற்றிணை 377, மடல் பாடிய மாதங்கீரனார், குறிஞ்சி திணை-தலைவன் சொன்னது
"அகல் இரு விசும்பின் அரவுக் குறைபடுத்த
பசுங் கதிர் மதியத்து அகல் நிலாப் போல"
அகன்ற கரிய ஆகாயத்தின்கண்ணே அரவினாற்[பாம்பினால்] சிறிது விழுங்கிக் குறை படுக்கப்பட்ட பசிய [பசுமை]கதிர்களையுடைய திங்களின் விரிந்த நிலாவைப் போல என இங்கு கூறப்படுகிறது.அதாவது இந்தப் பாடலிலும் ராகு கேதுவைப் பற்றித்தான் குறிப்பிடப்பட்டுள்ளது.
சூரிய கதிர்கள் சந்திரனால் மறைக்கப்படும் போது வளிமண்டலம் மாசுபடுத்தப்படுவதாக நம்புகிறார்கள்.இதனால் ஒரு முழு காலை நேரமும்,அதாவது 12 மணித்தியாலம் அளவிற்கு,எந்த வித உணவையும் இந்த மாசுபட்ட சூழலில் சாப்பிடாமல் மக்கள் விரதம் கடைபிடிக்கிறார்கள்.தம்மை எந்த வித தீய செயலிலும் ஈடுபடாமல் தடுப்பதற்காக வழிபாட்டிலும் ஈடுபடுகிறார்கள்.சந்திர கிரகணம் போதும் அப்படியே செய்கிறார்கள்,ஆனால் விரதம் இருக்கும் நேரம் 9 மணித்தியாலம் ஆகும்.
அடுத்தவாரம் பகுதி/Part-04"B":"வீடும் சமையல் அறையும்"தொடரும்.
சூரிய கிரகணத்தின் போது ஒரு தாக்கம் என்பது எத்தனை விதமானா மூடநம்பிக்கைகளை உருவாக்கியுள்ளது.தற்காலத்தில் கூட ஒரு புதினம் வாய் வழி நகரும்போது அதற்கு கால்,கை முளைப்பது வழமை தான்.தகவல்களுக்கு நன்றி.
ReplyDelete